«Қария – елдің тірегі, ұрпақтың жүрегі»

Мақсаты:
Оқушыларды үлкенді сыйлауға, қарияларды құрметтеуге тәрбиелеу; қариялардың өмірлік тәжірибесін бағалауға, өнегесін үлгі етуге бағыттау; ізгілікке, кішіпейілділікке баулу.
Сынып сағаты барысында «Жылы лебіз» ойыны арқылы ата-әжелеріне арнаған жылы сөздерін айтты.  «Қариясы бар ел – қазыналы ел» мақалын талдап, қариялардың қоғамдағы рөлі туралы пікір алмасты.
 Оқушылар  «Қариялардан қандай өнеге аласыңдар?» деген сұрақ төңірегінде ой бөлісті. Мақал-мәтелдер сайысына қатысып, «Қариялар – қазына» бейнеролигін тамашалады.
Қорытынды бөлімде «Жүрекке жылы сөз» әдісі қолданылды. Әр оқушы ата-әжелеріне арналған жылы тілектерін білдірді.
Оқушылар үлкендерді сыйлау, қариялардың ақылын тыңдау, өнегесін бағалау керектігін ұғынды. Өз ойларын еркін жеткізіп, пікір алмасты. Әр бала ата-әжесіне деген сүйіспеншілігін білдірді.
Оқушылардың белсенділігі ауызша мадақтаумен атап өтілді. «Екі жұлдыз, бір тілек» әдісі арқылы рефлексия жасалды.
 «Менің атам – асыл қазынам» немесе «Әжемнің мейірімі» тақырыбында шығарма жазу немесе сурет салу тапсырылды.
Тәрбие сағаты өз мақсатына жетті. Оқушылардың бойында үлкенге құрмет, ізгілік пен мейірімділік қасиеттері арта түсті.

Сынып жетекшісі: Балгожина Б.А.