«Қарттарым – асыл қазынам»

Бүгін,  1 қазан - Халықаралық қарттар  мерекесіне орай мектебімізде мерекелік шара өтті. Шараның мақсаты үлкенге ізет,  қарияға құрмет,  еңбек адамына ілтипат көрсету. «Уақыт капсуласы» форматында өткен бұл кеште ақсақал аталар мен ақжаулықты әжелеріміздің ақыл-кеңесі,  үлгі-өнегесі,  тәлім-тәрбиесі  келешек  ұрпаққа аманат ретінде сыр-сұхбат арқылы жүргізіліп,  өзіне ыстық деген көзмоншағына айналған  естелік заттары мен өсиет хаттары капсулаға салынып,  аманат қылып мектеп мұрағатына 10 жылға тапсырылды. Шара барысында 2-3 сынып оқушылары ән,  шырқап,  «Қызғалдақ» тобы биледі. 6 - сынып оқушылары Ералы әжесімен жеті атасын таныстырып,  Рамазан әдемі бата берді. 2-сынып оқушысы Айлана жеті атасын таныстырып,  10-11 сынып оқушылары мағыналы көрініс қойды. Барлық ат салысқан мектеп ұжымына, оқушылары мен ата-аналарға алғысымызды білдіреміз. Шара мектеп мұғалімі Олжабай Жоламанның «Әке-ана» әнімен аяқталып, мектептің ата - аналары дайындаған ақ дастарханынан қарияларымыз дәм татты. Қарияларымыз қуанса , бізде қуанамыз. Қазыналы қарттарымыз аман,  бейбіт-тыныш заман болсын!